ఘోర రోడ్డు ప్రమాదంలో 6గురు దుర్మరణం

కరీంనగర్: కరీంనగర్ జిల్లా గోదావరఖని సమీపంలో మంగళవారం తెల్లవారుజామున జరిగిన ఘోర రోడ్డు ప్రమాదంలో ఆరుగురు దుర్మరణం పాలయ్యారు. మరో 25 మంది గాయపడ్డారు. వీరిని గోదావరిఖని ఏరియా ఆస్పత్రికి తరలించారు. గాయపడినవారిలో పది మంది పరిస్థితి ఆందోళనకరంగా ఉంది. దీంతో మృతుల సంఖ్య పెరిగే అవకాశం ఉంది. కరీంనగర్ జిల్లాలోని రామగుండం మండలం బసంత్ నగర్ వద్ద ఆర్టీసి బస్సు లోయలో పడి ఈ ప్రమాదం సంభవించింది.

హైదరాబాదు నుంచి గోదావరిఖని వెళ్తున్న గోదావరిఖనికి చెందిన ఆర్టీసి బస్సు ఎదురుగా వస్తున్న లారీని తప్పించబోయి పక్కనే ఉన్న లోయలో పడింది. దీంతో బస్సు డ్రైవర్ రమేష్ సహా పది మంది మరణించారు. పోలీసులు సంఘటనా స్థలానికి చేరుకుని సహాయక చర్యలు చేపట్టారు. మృతుల్లో హైదరాబాదులోని మలక్ పేటకు చెందినవారు ఉండవచ్చునని అనుమానిస్తున్నారు.