జైపాల్ రెడ్డీతో కాంగ్రెసు ఎంపీల సమావేశం

న్యూఢిల్లీ: కేంద్ర మంత్రి జైపాల్‌రెడ్డిని బుధవారం తెలంగాణ కాంగ్రెస్‌ ఎంపీలు కలిశారు. ఈ సందర్భంగా వారు తెలంగాణ రాష్ట్ర ఏర్పాటు త్వరగా జరిగేందుకు కృషి చేయాలని జైపాల్‌రెడ్డికి విజ్ఞప్తి చేశారు. కాగా అధిష్టానం పిలుపు మేరకు ఇప్పటికే తెలంగాణ ఎంపీలందరూ హస్తిన చేరుకున్నారు. జైపాల్ రెడ్డి కేంద్రంలో రాష్ట్రం నుంచి ఏకైక కేబినెట్ మంత్రి. ఆయన తెలంగాణ రాష్ట్రం విషయంలో పైకి బయటపడకపోయినా సోనియా గాంధీకి చెప్పుకుంటూ వచ్చారు.

ప్రత్యేక తెలంగాణపై చర్చించేందుకు ఆ ప్రాంత కాంగ్రెస్‌ ఎంపీలు బుధవారం రాజ్యసభ సభ్యుడు కే.కేశవరావు ఇంట్లో సమావేశమయ్యారు. మరోవైపు తెలంగాణ అంశంపై కేంద్ర ప్రభుత్వంపై ఒత్తిడి తెచ్చేందుకు కాంగ్రెస్‌ పార్టీకి చెందిన ఆ ప్రాంత ఎమ్మెల్యేలు, ఎమ్మెల్సీలు బుధవారం సాయంత్రం న్యూఢిల్లీకి రానున్నట్టు సమాచారం.