రాష్ట్రపతి పాలన కాదు, తెలంగాణ వస్తుంది: పాల్వాయి

హైదరాబాద్‌: ప్రస్తుత పరిస్థితుల్లో రాష్ట్రంలో రాష్ట్రపతి పాలన ఏర్పడే అవకాశం లేదని కాంగ్రెస్‌ సీనియర్‌నేత పాల్వాయి గోవర్దన్‌రెడ్డి అభిప్రాయపడ్డారు. రోశయ్యే ముఖ్యమంత్రిగా కొనసాగుతారని ఆయన స్పష్టం చేశారు. తెలంగాణ ఇచ్చేది మాత్రం సోనియా నేతృత్వంలోని కాంగ్రెస్‌ పార్టీనేనని పాల్వాయి తెలిపారు.

తెలంగాణపై కేంద్రం ఇచ్చిన తొలి ప్రకటన కంటే రెండో ప్రకటన తెలంగాణ ఏర్పాటుకు అనుకూలంగా ఉందని ఆయన అభిప్రాయపడ్డారు. అయితే చర్చలు ఎప్పటిలోగా పూర్తి చేసి తెలంగాణ ఎప్పటిలోగా ఏర్పాటు చేస్తారనే విషయం అధిష్ఠానం తేల్చాల్సి ఉందని ఆయన చెప్పారు. ముఖ్యమంత్రి రోశయ్యను ఆయన నివాసంలో కలసి వివిధ అంశాలపై చర్చించారు.