విద్యార్థులు దీక్ష విరమింపజేసిన కెసిఆర్, జానా

హైదరాబాద్: గాంధీ ఆస్పత్రిలో కొనసాగిస్తున్న తమ ఆమరణ నిరాహార దీక్షను ఉస్మానియా విశ్వవిద్యాలయం విద్యార్థులు విరమింపజేశారు. వారి చేత తెలంగాణ రాష్ట్ర సమితి అధ్యక్షుడు కె. చంద్రశేఖర రావు, కాంగ్రెసు నాయకుడు కె. జానా రెడ్డి దీక్షను విరమింపజేశారు. వారితో పాటు ఇతర జెఎసి నేతలు గాంధీ ఆస్పత్రికి వచ్చి విద్యార్థులతో దీక్షను విరమింపజేశారు. ప్రాణ త్యాగాలకు పాల్పడవద్దని కె. జానా రెడ్డి ఈ సందర్భంగా విద్యార్థులను కోరారు. ఆమరణ నిరాహార దీక్షలు విరమించాలని కూడా ఆయన సూచించారు.

ఉస్మానియా విశ్వవిద్యాలయానికి చెందిన నలుగురు విద్యార్థులు చికిత్సకు నిరాకరిస్తూ గాంధీ ఆస్పత్రిలో తలుపులు వేసుకుని గదిలో నిరాహార దీక్షను కొనసాగించిన విషయం తెలిసిందే. ఆ నలుగురు విద్యార్థుల్లో కవిరాజు, కళ్యాణ్ ల ఆరోగ్యం విషమించింది. వారిని నిమ్స్ కు తరలించాలని ఉస్మానియా విద్యార్థులు ఆందోళనకు కూడా దిగారు.