ఎపికి వెళ్లొద్దు: పౌరులకు అమెరికా హెచ్చరిక

వాషింగ్టన్: ప్రత్యేక తెలంగాణ ఉద్యమం కొనసాగుతున్నందున ఆంధ్రప్రదేశ్ రాష్టానికి వెళ్లవద్దని అమెరికా తన పౌరులను హెచ్చరించింది. భారతదేశంలో ముంబై తరహా దాడులు జరిగే ప్రమాదం ఉందని అమెరికా హెచ్చరించింది. హైదరాబాదులోని దాడులు జరిగే ప్రమాదం ఉందని హెచ్చరించింది. భారత్ వెళ్లవద్దని తన పౌరులకు అమెరికా సూచించడం ఇది ఇటీవల మూడోసారి.

భారత్ లో ఉగ్రవాదులు దాడులకు పాల్పడేందుకు కుట్ర పన్నుతున్నట్లు సమాచారం ఉందని, అమెరికన్లు, పాశ్చాత్యులను లక్ష్యంగా చేసుకుని ఈ దాడులు జరిగే ప్రమాదం ఉందని అమెరికా ప్రభుత్వం అభిప్రాయపడింది. ప్రత్యేక రాష్ట్రం కోసం నిరంతరాయంగా ఆందోళనలు జరుగుతున్నందున ఆంధ్రప్రదేశ్ కు దూరంగా ఉండాలని అమెరికా విదేశాంగ శాఖ సూచించింది.