లోకసత్తా కార్యాలయంపై తెలంగాణ సత్తా

హైదరాబాద్: జయప్రకాష్ నారాయణ నేతృత్వంలోని లోకసత్తా కార్యాలయంపై తెలంగాణవాదులు సోమవారం దాడి చేశారు. హైదరాబాదులోని హిల్ ఫోర్డులో గల కార్యాలయంపై ఆ పార్టీకే చెందిన తెలంగాణ నాయకులు దాడి చేశారు. పార్టీ తెలంగాణకు వ్యతిరేకంగా వ్యవహిస్తుండడంపై వారు ఆగ్రహం వ్యక్తం చేశారు. పార్టీ కోసం తాము లక్షలాది రూపాయలు ఖర్చు చేశామని, అటువంటి తమను కార్యాలయంలోకి రానీయడం లేదని తెలంగాణ నేతలు ఆగ్రహం వ్యక్తం చేశారు.

కార్యాలయానికి తాళం వేసి ఉన్నా తలుపులు తీసి లోనికి వెళ్లారు. ఫర్నీచర్ ధ్వంసం చేశారు. కార్యాలయంపైకి ఎక్కి తెలంగాణ నినాదాలు చేశారు. కార్యాలయం ముందు తెలంగాణ నాయకులు, కార్యకర్తలు కాసేపు బైఠాయించారు. ఆ తర్వాత ఆగ్రహం చెంది కార్యాలయంపైకి దాడికి తెగబడ్డారు.

1 | 2 | 3