చిదంబరమే అరాచాకానికి కారణం: యనమల రామకృష్ణుడు

న్యూఢిల్లీ: కేంద్ర మంత్రి హోం మంత్రి పి. చిదంబరం తెలంగాణపై చేసిన ప్రకటన వల్లనే ఆంధ్రప్రదేశ్ లో అరాచకం ప్రబలిందని తెలుగుదేశం పార్టీ నాయకుడు యనమల రామకృష్ణుడు విమర్శించారు. రాష్ట్రంలో పరిస్థితిని ఎలా చక్కదిద్దాలో కేంద్రమే సమాధానం చెప్పాల్సి ఉంటుందని ఆయన మంగళవారం మీడియా ప్రతినిధులతో అన్నారు. అధికారంలో ఉన్న కాంగ్రెసు పార్టీ ముందుగా తెలంగాణపై తన వైఖరిని ప్రకటించాలని ఆయన డిమాండ్ చేశారు. రాష్ట్రంలో శాంతిభద్రతలకు విఘాతం కలిగిందని ఆయన విమర్శించారు.

తెలంగాణపై కాంగ్రెసు వైఖరిని స్పష్టం చేయాలని సిపిఐ నేత కె. నారాయణ డిమాండ్ చేశారు. అఖిల పక్ష భేటీకి హాజరయ్యే ముందు ఆయన మంగళవారం మీడియా ప్రతినిధులతో మాట్లాడారు. అధికార కాంగ్రెసు పార్టీ తన వైఖరి చెప్పకుండా ప్రజలను మోసగించే ప్రయత్నం చేస్తోందని ఆయన అన్నారు.