• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణపై ఏదైనా జెఎసితోనే: ఆర్ దామోదర్ రెడ్డి

|

R Damodar Reddy
హైదరాబాద్: రాజీనామాలైనా ఏదైనా తాము రాజకీయ పార్టీలు, ప్రజా సంఘాల సంయుక్త కార్యాచరణ కమిటీ (జెఎసి) నిర్ణయానికి కట్టుబడి ఉంటామని కాంగ్రెసు తెలంగాణ నాయకుడు ఆర్. దామోదర్ రెడ్డి స్పష్టం చేశారు. జెఎసి సమావేశానికి ముందు కాంగ్రెసు శాసనసభ్యులు, ఎమ్మెల్సీలు, నాయకులు మంగళవారం సమావేశమైన చర్చలు జరిపారు. ఈ చర్చల అనంతరం దామోదర్ రెడ్డి మీడియా ప్రతినిధులతో మాట్లాడారు. రాజీనామాలు ఉపసంహరించుకోవాలని తమకు పార్టీ అధిష్టానం నుంచి ఎటువంటి ఒత్తిడీ లేదని, తమకు అధిష్టానం నుంచి ఏ విధమైన ఆదేశాలు రాలేదని ఆయన చెప్పారు.

జెఎసిలో అందరికన్నా బలంగా తాము తెలంగాణ వాదాన్ని వినిపిస్తామని ఆయన చెప్పారు. మంత్రులు కోమటిరెడ్డి వెంకటరెడ్డి, డి. శ్రీధర్ బాబు ఎందుకు రాజీనామాలు ఉపసంహరించుకున్నారో తమకు తెలియదని ఆయన ఒక ప్రశ్నకు సమాధానంగా చెప్పారు. తెలంగాణ రాష్ట్ర సాధనకు ఎజెండాను రూపొందించుకోవడం తప్ప తాము మరో విషయం గురించి ఆలోచించడం లేదని ఆయన అన్నారు. తమలో విభేదాలు లేవని, తామంతా ఒక్కటేనని ఆయన అన్నారు. రాజ్యాంగ సంక్షోభం సృష్టించడమైనా, మరేదైనా తాము జెఎసి నిర్ణయానికి కట్టుబడి పనిచేస్తామని ఆయన చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X