పొన్నాల కన్పించడం లేదంటూ పోలీసు కంప్లెయింట్

వరంగల్‌: రాష్ట్ర భారీ నీటిపారుదల మంత్రి పొన్నాల లక్ష్మయ్య కనిపించడం లేదని వరంగల్‌ జిల్లా చేర్యాల పోలీస్టేషన్‌లో శుక్రవారం ఫిర్యాదు నమోదైంది. గత కొద్ది రోజులుగా కనిపించడం లేదని యువకులు ఫిర్యాదు చేసినట్లు సమాచారం. ఆ యువకులు ఏ పార్టీ వారన్నది వెల్లడి కావడం లేదు. తెలంగాణ ఉద్యమం ఉధృతంగా ఉన్న సమయంలో పొన్నాల గోడమీద పిల్లిలా వ్యవహరించారన్న విమర్శలు ఉన్నాయి. పొన్నాల వైఎస్ కు వీర విధేయుడు. సమైక్యాంధ్ర వాది అయిన వైఎస్ బాటలోనే పోన్నాల నడుచుకుంటున్నారేమొనన్న అనుమానాలు వ్యక్తమవుతున్నాయి. తెలుగుదేశం నాయకులు కూడా ఈ విషయంలో విమర్శలు గుప్పిస్తున్నారు.

నిన్న తెలుగుదేశం నేత కడియం శ్రీహరి మాట్లాడుతూ జెఎసి లోని అందరూ ఐక్యంగా పోరాడాలని కోరారు. ప్రజాప్రతినిధు లు తమ రాజీనామాలను ఆమోదింప చేసుకోకపోతే ప్రజాగ్రహానికి గురికావలసి వస్తుందని హెచ్చరించా రు. ప్రత్యేక తెలంగాణపై కేంద్ర మం త్రులు, కోర్‌ కమిటీలోని సభ్యులు భిన్న ప్రకటనలు చేయడం ద్వారా ప్రజలను గందరగోళ పరుస్తున్నారని విమర్శిం చారు. రాష్ట్రంలో మంత్రులు చేస్తున్న ప్రకటనలు కూడా అలాగే ఉన్నాయన్నారు. మంత్రులు రాజీనామాలను ఉపసంహరించుకునేలా పీసీసీ అధ్యక్షు డు డి.శ్రీనివాస్‌ వారిని కౌన్సెలింగ్‌ చేస్తున్నారన్నారు.