యుపిలో రైళ్లు ఢీ: ముగ్గురు మృతి

ఆగ్రా: దట్టమైన పొంగ మంచు కారణంగా ఉత్తరప్రదేశ్ రాష్ట్రంలో రైలు ప్రమాదం జరిగింది. తుండ్ల జంక్షన్ వద్ద కాన్పూర్ కు చెందిన శ్రమశక్తి ఎక్స్ ప్రెస్ రైలును కాళింది ఎక్స్ ప్రెస్ ఢీకొట్టింది. ఈ ఘటనలో పది మంది గాయపడ్డారు. ఫిరోజాబాద్ జిల్లా తుండ్లా వద్ద ఆగి ఉన్న శ్రమశక్తి ఎక్స్ ప్రెస్ ను భివానీ- కాన్పూర్ కు చెందిన కాళింది ఎక్స్ ప్రెస్ రైలు వెనక నుంచి ఢీకొట్టింది.

ఢిల్లీ నుంచి కాన్పూర్ వెళ్తున్న శ్రమశక్తి ఎక్స్ ప్రెస్ కు చెందిన రెండు బోగీలు ఈ ప్రమాదంలో దెబ్బ తిన్నాయి. ఈ ఘటనలో పది గాయపడినట్లు ప్రాథమిక సమాచారం ప్రకారం తెలుస్తోంది. కాగా, ముగ్గురు మరణించినట్లు సమాచారం. దట్టమైన పొగ మంచు కారణంగానే ప్రమాదం సంభవించిందని భావిస్తున్నట్లు రైల్వే అధికారులు చెబుతున్నారు. వివరాలు తెలియాల్సి ఉంది.