సమైక్యాంధ్ర కోసం టీచర్ ఆత్మహత్య

తిరుపతి: సమైక్యాంధ్రకు మద్దతుగా బాబు అనే ఉపాధ్యాయుడు సోమవారం తిరుపతిలో ఆత్మహత్య చేసుకున్నాడు. అతను చిత్తూరు జిల్లా రామచంద్రాపురం మండలం వైఆర్ కండ్రిగ గ్రామానికి చెందినవాడు. రాష్ట్ర విభజనను తట్టుకోలేక సమైక్యాంధ్రలో మరణించాలని నిర్ణయం తీసుకున్నట్లు అతను తన సూసైడ్ నోట్ రాశాడు. చెట్టుకు ఉరేసుకుని అతను మరణించాడు. దీంతో అక్కడ ఉద్రిక్త వాతావరణం నెలకొంది.

కాగా, తిరుపతిలో సోమవారం సమైక్యాంధ్ర జెఎసి సమావేశం జరిగింది. తెలంగాణ జెఎసి కన్వీనర్ ప్రొఫెసర్ కోదండరామ్ పై సమైక్యాంద్ర జెఎసి నేతలు ఈ సమావేశంలో మండిపడ్డారు. విశ్వవిద్యాలయం ఉద్యోగానికి కోదండరామ్ రాజీనామా చేయాలని వారు డిమాండ్ చేశారు. తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుపై వారు నిప్పులు చెరిగారు.