• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రాజీనామాలపై వెనక్కి తగ్గిన కాంగ్రెసు

By Pratap
|

DK Aruna
హైదరాబాద్: తెలంగాణ కోసం ఈ నెల 28వ తేదీలోగా రాజీనామాలు చేయాలనే రాజకీయ, ప్రజా సంఘాల జెఎసి నిర్ణయం నుంచి కాంగ్రెసు మంత్రులు, శాసనసభ్యులు వెనక్కి తగ్గారు. తాజా పరిస్థితిపై మంత్రులు, కాంగ్రెసు శాసనసభ్యులు సోమవారం సమావేశమై చర్చించారు. రాజీనామాలు చేయాలనే డెడ్ లైన్ సరి కాదని, రాజీనామాలు చేయాల్సిన అవసరం లేదని మంత్రి డికె అరుణ సమావేశానంతరం మీడియా ప్రతినిధులతో చెప్పారు. కాంగ్రెసు నేతలంతా ఐక్యంగా ఉన్నారని, కాంగ్రెసు తెలంగాణ నేతల్లో విభేదాలు లేవని ఆమె అన్నారు. తెలంగాణ కోసం తాము ఎలాంటి త్యాగాలకైనా సిద్ధమని అరుణతో పాటు కాంగ్రెసు సీనియర్ శాసనసభ్యుడు ఆర్ దామోదర్ రెడ్డి అన్నారు.

తెలంగాణపై పార్టీ అధిష్టానంపై ఒత్తిడి తెచ్చేందుకు రేపు కేశవరావు నాయకత్వంలో ఢిల్లీ వెళ్తున్నట్లు అరుణ చెప్పారు. ఒక సీనియర్ నాయకుడి నాయకత్వంలో తెలంగాణ కోసం ఉద్యమించాలని నిర్ణయం తీసుకున్నామని, అందుకు కేశవరావును ఎంపిక చేసుకున్నామని ఆమె చెప్పారు. రాజకీయ, ప్రజా సంఘాల జెఎసి అధిష్టానం కాదని ఆమె అన్నారు. జెఎసి ఒత్తిళ్లకు లొంగాల్సిన అవసరం లేదని ఆమె అన్నారు. కేంద్ర ప్రభుత్వం తెలంగాణ ప్రక్రియను ప్రారంభించిందని, అయితే ప్రక్రియను మరింత వేగవంతం చేయడానికి కేంద్రంపై ఒత్తిడి తేవడానికి నిర్ణయించామని అరుణ చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X