సమైక్యాంధ్ర కోసం కాకినాడలో ఆత్మహత్య

కాకినాడ: సమైక్యాంధ్ర ప్రదేశ్ ను కోరుతూ తూర్పు గోదావరి జిల్లా కాకినాడలో ఓ వ్యక్తి ఆత్మహత్య చేసుకున్నాడు. నీలాపు వెంకట రమణా రెడ్డి అనే కేబుల్ ఆపరేటర్ గురువారం కాకినాడ రైల్వే స్షేషన్ వద్ద ఆత్యహత్య చేసుకున్నాడు. తన ఆత్మహత్యకు గల కారణాలను తెలుపుతూ అతను లేఖ రాసి పెట్టాడు. వైయస్ రాజశేఖర రెడ్డి మృతి వల్లనే రాష్ట్రంలో సంక్షోభం ఏర్పడిందని అతను ఆ లేఖలో అన్నాడు. సమైక్యాంధ్రను కోరుకుంటూ తాను ఆత్మహత్య చేసుకుంటున్నట్లు అతను తెలిపాడు.

వెంకట రమణారెడ్డి ఆత్మహత్యకు కేబుల్ ఆపరేటర్ల సంఘం సంతాపం ప్రకటించింది. సమస్యకు ఆత్మహత్యలు పరిష్కారం కాదని తెలిపింది. సమైక్యాంధ్రను కోరుతూ ఇటీవల తిరుపతిలో బాబు అనే ఉపాధ్యాయుడు ఆత్మహత్య చేసుకున్న విషయం తెలిసిందే. వెంకట రమణారెడ్డి ఆత్మహత్యతో కాకినాడలో విషాద వాతావరణం నెలకొంది.