• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఏం జరిగినా హైదరాబాద్ వీడను: రోశయ్య

By Pratap
|

Rosaiah
హైదరాబాద్: ఏం జరిగినా తాను హైదరాబాదు వీడి వెళ్లేది లేదని ముఖ్యమంత్రి కె. రోశయ్య అన్నారు. రాష్ట్ర విభజన జరుగుతుందనే విషయంపై ఆయన ఆ విధంగా అన్నారు. అందరిలాగే తాను ఓ ప్రాంతంలో పుట్టానని, పిల్లలతో సహా అందరం హైదరాబాదులో స్థిరపడ్డామని, ఏం జరిగినా తాను హైదరాబాదు వీడి వెళ్లే వయసు తనది కాదని, అలాంటి వాతావరణం, పరిస్థితులు లేవని ఆయన అన్నారు. నిజామాబాద్ సమీక్షా సమావేశంలో ఆయన బుధవారం ఆ మాటలన్నారు. సమావేశంలో జై తెలంగాణ నినాదాలు చేయడంతో అలకబూని తిరిగి వచ్చిన అనంతరం ఆయన మాట్లాడారు.

రాష్ట్రాన్ని విభజించాలని కొందరు, వద్దని మరి కొందరు వాదిస్తున్నారని, ప్రజాస్వామ్యంలో ఎవరి వాదన వారు వినిపించుకోవచ్చునని, విభజన సమస్య రాష్ట్ర పరిధిలో లేదని, కేంద్రం తీసుకోవాల్సిన నిర్ణయమని ఆయన అన్నారు. ఎవరి అభిప్రాయాలు వారు వినిపించుకోవచ్చునని, కానీ హింసకు దిగకూడదని ఆయన అన్నారు. ముఖ్యమంత్రి అంటే తమకు గౌరవం ఉందని, అయితే తెలంగాణ ప్రజల అభిప్రాయాన్ని తాము ముఖ్యమంత్రికి వినిపించామని తెలుగుదేశం నాయకుడు పోచారం శ్రీనివాస రెడ్డి అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X