ప్రతిపక్ష నేతగా వసుంధర రాజే రాజీనామా

జైపూర్: రాజస్థాన్ ముఖ్యమంత్రి వసుంధర రాజె సింధియా ఎట్టకేలకు మెట్టు దిగారు. రాష్ట్ర శాసనసభ ప్రతిపక్ష నేత పదవికి ఆమె సోమవారం రాజీనామా చేశారు. తన రాజీనామా లేఖను ఆమె స్పీకర్ దీపేంద్ర సింగ్ షెకావత్ కు అందజేశారు. సోమవారం రాజస్థాన్ బడ్జెట్ సమావేశాలు ప్రారంభమవుతున్న సందర్భంగా ఆమె తన రాజీనామా లేఖను స్పీకర్ కు అందజేశారు.

ఆమె తన రాజీనామా లేఖను నిరుడు అక్టోబర్ 23వ తేదీన పార్టీ అధిష్టానానికి పంపించారు. అయితే దాన్ని స్పీకర్ కు అందజేయలేదు. లోకసభ ఎన్నికల్లో పార్టీ వైఫల్యానికి బాధ్యత వహించి ప్రతిపక్ష నేత పదవికి రాజీనామా చేయాలని పార్టీ అధిష్టానం నిరుడు ఆగస్టులో సింథియాను ఆదేశించింది. ఆదివారం రాత్రి తన విధేయులతో తీవ్రంగా చర్చించిన తర్వాత ఆమె స్పీకర్ కు రాజీనామా లేఖను సమర్పించాలని నిర్ణయించుకున్నారు.