నేడు కోదాడ సభకు సాంబశివుడు

కోదాడ: కోదాడలో సోమవారం జరగనున్న విద్యార్థిపోరు కార్యక్రమంలో పాల్గొనేందుకు మావోయిస్టు పార్టీ రాష్ట్ర మాజీ కార్యదర్శి కోనపూరి అయిలయ్య అలియాస్‌ సాంబశివుడు హాజరు కానున్నారు. మావోయిస్టు రాష్ట్ర మాజీ నాయకుడు తొలిసారి తెలంగాణ ఉద్యమంలో ప్రత్యక్షంగా పాల్గొననుండడంతో స్థానికంగానే కాకుండా జిల్లా వ్యాప్తంగా తీవ్ర చర్చనీయాంశమైంది. ఆయనన్ను చూసేందుకు పరిసర ప్రాంతాల ప్రజలు తరలి వచ్చే అవకాశం ఉంది. ఈయనతో పాటు ప్రజాగాయకుడు గద్దర్‌, గోరటి వెంకన్న, ప్రొఫెసర్‌ కోదండరామ్‌ కూడా హాజరవుతున్నారు.

సాయంత్రం నాగుబండినగర్‌ నుంచి సభాస్థలి అయిన బాలుర పాఠశాల వరకు భారీర్యాలీ, కోలాటాలు,సాంస్కృతిక కార్యక్రమాలు నిర్వహిస్తున్నందున తెలంగాణవాదులు, వివిధ జేఏసీ సంఘాల సభ్యులు హాజరు కావాలని విద్యార్థి పోరు నిర్వాహక కన్వీనర్‌ కందుల మధు, కో కన్వీనర్‌ బెజవాడ శ్రావణ్‌కుమార్‌లు కోరారు.