తిరుమలలో విషాదం: నలుగురు మృతి

తిరుపతి: తిరుమలలో విషాద సంఘటన చోటు చేసుకుంది. ఒకే కుటుంబానికి చెందిన ఆరుగురు ఆత్మహత్య యత్నానికి పాల్పడ్డారు. వీరిలో నలుగురు మరణించగా ఇద్దరు పిల్లలు ఆస్పత్రిలో చికిత్స పొందుతున్నారు. మృతుల్లో ఇద్దర స్త్రీలున్నారు. తిరుమలలోని హిల్ వ్యూ కాటేజీలో ఈ అవాంఛనీయ సంఘటన చోటు చేసుకుంది. మృతులు నెల్లూరులోని స్టాన్ హౌస్ ప్రాంతానికి చెందినవారు.

మృతులను నారాయణ, హేమలత, సోము, పాపలుగా గుర్తించారు. ఆర్థిక ఇబ్బందులు తాళలేక వారు ఆత్మహత్య చేసుకున్నట్లు సమాచారం. ఈ మేరకు నారాయణ పేర ఒక సూసైడ్ నోట్ రాసి పెట్టారు. పోలీసులు కేసు నమోదు చేసి దర్యాప్తు చేస్తున్నారు. చికిత్స పొందుతున్న ఇద్దరు పిల్లల పరిస్థితి కూడా ఆందోళనకరంగానే ఉంది.