రోడ్డు ప్రమాదాల్లో ఆరుగురు మృతి

హైదరాబాద్: రాష్ట్రంలోని నాలుగు జిల్లాల్లో బుధవారం ఉదయం జరిగిన మూడు రోడ్డు ప్రమాదాల్లో ఆరుగురు మరణించారు. మరో పది మంది తీవ్రంగా గాయపడ్డారు. పశ్చిమ గోదావరి జిల్లా తాడేపల్లిగూడెం వద్ద రెండు లారీలు ఢీకొనడంతో ఇద్దరు మరణించారు. మరో ఇద్దరు గాయపడ్డారు. అలాగే, చిత్తూరు జిల్లా వికోటలో ట్రాక్టర్ బోల్తా పడి ముగ్గురు మరణించారు. మరో నలుగురు తీవ్రంగా గాయపడ్డారు.

మహబూబ్ నగర్ జిల్లా ఆలంపూర్ జాతీయ రహదారిపై జరిగిన ప్రమాదంలో ఒక వ్యక్తి మరణించాడు. టోల్ ప్లాజా వద్ద డిసిఎం వ్యాన్ ను వ్యాన్ ఢీకొట్టడంతో క్లీనర్ మరణించాడు. మరో ఇద్దరు గాయపడ్డారు. ప్రకాశం జిల్లా ఒంగోలులో బస్సు, లారీ ఢీకొనడంతో ఇద్దరు తీవ్రంగా గాయపడ్డారు. గాయపడినవారిని ఆస్పత్రికి తరలించారు.