తెలంగాణకు మంచి జరిగింది: విజయశాంతి

హైదరాబాద్‌: రైల్వే బడ్జెట్‌లో తెలంగాణకు మంచి జరిగిందని మెదక్‌ ఎంపి విజయశాంతి చెప్పారు. తన నియోజక వర్గానికి మంచి జరిగిందని ఆమె ఆనందం వ్యక్తం చేశారు. మంచి ప్రాజెక్టులు వచ్చాయన్నారు. ఈ సందర్భంగా రైల్వే శాఖ మంత్రి మమత బెనర్జీకి ఆమె కృతజ్ఞతలు తెలిపారు.

ఈ ఏడాది రైల్వే బడ్జెట్‌లో రాష్ట్రానికి 21 కొత్త రైళ్లు మంజూరైనట్లు దక్షిణ మధ్య రైల్వే జనరల్‌ మేనేజర్‌ జయంత్‌ చెప్పారు. ఆరు రైళ్లను పొడిగించినట్లు ఆయన తెలిపారు. దక్షిణ మధ్య రైల్వే పరిధిలో 3,388 కోట్ల రూపాయల నిధులు కేటాయించినట్లు ఆయన వివరించారు.