• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ముందుకు సాగని ఇండ్ - పాక్ చర్చలు

By Pratap
|

India-Pakistan
న్యూఢిల్లీ: భారత, పాకిస్తాన్ విదేశాంగ కార్యదర్శులు నిరుపమా రావు, సల్మాన్ బషీర్ ల మధ్య చర్చలు గురువారం ముగిశాయి. అయితే చర్చల్లో పెద్దగా ప్రగతి లేదు. ఇరువురు నివేదికలను పరస్పరం మార్చుకున్నారు. పాక్ గడ్డ మీది నుంచి భారత్ పైకి ఎక్కుపెట్టిన ఉగ్రవాదంపై కఠినంగా వ్యవహరించాలని భారత్ పాకిస్తాన్ ను కోరింది. జమాత్ - ఉద్ - దవా చీఫ్ హఫీజ్ సయీద్ ను అరెస్టు చేయాలని డిమాండ్ చేసింది. ముంబై దాడులపై భారత్ తాజా నివేదికను పాకిస్తాన్ ప్రతినిధులకు అందజేసింది.

బెలూచిస్తాన్ సంఘటనల్లో భారత్ పాత్రపై పాకిస్తాన్ అభ్యంతరం చెప్పినట్లు తెలుస్తోంది. అలాగే కాశ్మీర్ సమస్యను కూడా ముందుకు తెచ్చినట్లు సమాచారం. అనంతరం జరిగిన సంయుక్త మీడియా సమావేశంలో ఇరు దేశాల మధ్య విభేదాలు బయటపడ్డాయి. తొలుత ఇరువురు కార్యదర్శుల మధ్య చర్చలు జరిగాయి. ఈ తర్వాత ప్రతినిధి బృందాల మధ్య చర్చలు జరిగాయి. పాకిస్తాన్ ప్రతినిధి బృందం విదేశాంగ మంత్రి ఎస్ఎం కృష్ణను, జాతీయ భద్రతా సలహాదారు శివశంకర్ మీనన్ ను కలిసే అవకాశం ఉంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X