ఇంటర్ పరీక్షల్లో ఇన్విజిలేటర్ల నిర్వాకం

హైదరాబాద్: ఇన్విజిలేటర్ల నిర్వాకం వల్ల కర్నూలు, కరీంనగర్ జిల్లాల్లోని రెండు సెంటర్లలో ఇంటర్మీడియట్ పరీక్ష రాస్తున్న విద్యార్థులు సోమవారం తీవ్ర ఇక్కట్లకు గురయ్యారు. కరీంనగర్ జిల్లా మానకొండూరు పరీక్ష కేంద్రంలో ఇంటర్మీడియట్ తొలి సంవత్సరం ప్రశ్నపత్రాలు తారుమారయ్యాయి. సివిక్స్ పరీక్షకు నిరుటి ప్రశ్నపత్రాలు ఇచ్చారు.

కాగా, కర్నూలు జిల్లా కోడుమూరులో ఇంటర్మీడియట్ ప్రశ్నపత్రాలు తారుమారయ్యాయి. విద్యార్థులకు ఒక సెట్ కు బదులు మరో సెట్ ఇచ్చారు. ఈ విషయాన్ని ఇన్విజిలేటర్లు ఆలస్యంగా గుర్తించారు. దీంతో పరీక్ష మూడు గంటలు ఆలస్యంగా ప్రారంభమైంది. ఈ సంఘటనపై ఇంటర్మీడియట్ బోర్డు విచారణకు ఆదేశించింది.