పండిట్ రవిశంకర్ కు మెల్ బోర్న్ వర్సిటీ పురస్కారం

మెల్‌బోర్న్‌: ప్రముఖ సితార్‌ విద్వాంసుడు పండిట్‌ రవిశంకర్‌ను మెల్‌బోర్న్‌ వర్సిటీ అత్యున్నత అవార్డు 'డాక్టరేట్‌ డిగ్రీ ఆఫ్‌ లాస్‌'తో గౌరవించనుంది. సంగీతం, మానవతావాదంలో చిత్తశుద్ధితో కృషి చేస్తున్నందుకుగాను ఆయనకు ఈపురస్కారం అందజేస్తున్నట్లు వర్సిటీ వర్గాలు తెలిపాయి.

ఆయనతో పాటు మయన్మార్‌ ప్రజాస్వామ్య ఉద్యమనేత ఆంగ్‌ సాన్‌ సూకీ, ఐర్లాండ్‌ మాజీ అధ్యక్షులు మేరీ రాబిన్‌ సన్‌ లకు కూడా ఈ అవార్డులను ప్రదానం చేయనున్నారు. శుక్రవారం నిర్వహించే ప్రత్యేక వేడుకలో వీటిని అందజేస్తామని వర్సిటీ వైస్‌ఛాన్సలర్‌ అలెక్స్‌ తెలిపారు.