త్రిసభ్య బెంచ్ కు ముస్లిం కోటా బిల్లు

న్యూఢిల్లీ: ముస్లిం రిజర్వేషన్లకు సంబంధించిన కేసు విచారణను సుప్రీంకోర్టు సోమవారం త్రిసభ్య బెంచ్ కు సిఫార్సు చేసింది. కేసు విచారణను ఈ నెల 25వ తేదీకి వాయిదా వేసింది. దీనిపై ఇరు పక్షాలకు సుప్రీంకోర్టు నోటీసులు జారీ చేసింది. రాజ్యాంగపరమైన అంశం అయినందున ముస్లిం రిజర్వేషన్లకు సంబంధించిన కేసు విచారణను ముగ్గురు సభ్యుల బెంచ్ కు సిఫార్సు చేస్తున్నట్లు కోర్టు తెలిపింది.

విద్య, ఉద్యోగాల్లో ముస్లింలకు నాలుగు శాతం రిజర్వేషన్లను కల్పిస్తూ రాష్ట్ర ప్రభుత్వం ఉత్తర్వులు జారీ చేసింది. మతపరమైన రిజర్వేషన్లు చెల్లవంటూ హైకోర్టు ఆ ఉత్తర్వులను కొట్టేసింది. హైకోర్టు తీర్పుపై ఆంధ్రప్రదేశ్ ప్రభుత్వం సుప్రీంకోర్టుకు వెళ్లింది.