జగన్ యాత్రతో పార్టీకి సంబంధం లేదు: డిఎస్

హైదరాబాద్: తమ పార్టీ పార్లమెంటు సభ్యుడు వైయస్ జగన్ తలపెట్టిన రాష్ట్ర పర్యటనతో పార్టీకి ఏ విధమైన సంబంధం లేదని ప్రదేశ్ కాంగ్రెసు కమిటీ (పిసిసి) అధ్యక్షుడు డి శ్రీనివాస్ స్పష్టం చేశారు. ఆయన గురువారం శాసనసభ లాబీలో మీడియా ప్రతినిధులతో ఆ విధంగా అన్నారు. జగన్ యాత్ర ఆయన వ్యక్తిగతమని శ్రీనివాస్ అన్నారు. రాష్ట్ర పర్యటన కోసం జగన్ కు పార్టీ అనుమతి కూడా అవసరం లేదని ఆయన అన్నారు.

ఏప్రిల్ 2వ తేదీ నుంచి వైయస్ జగన్ రాష్ట్రవ్యాప్తంగా పర్యటించాలని నిర్ణయించుకున్నారు. తన తండ్రి వైయస్ రాజశేఖర రెడ్డి మృతికి దిగ్భ్రాంతి చెందిన మరణించినవారి కుటుంబాలను పరామర్శించే పేరుతో ఆయన ఆ యాత్రను తలపెట్టారు. ఆయన తన యాత్రను తూర్పు గోదావరి జిల్లా నుంచి ప్రారంభించాలని అనుకుంటున్నారు.