పిఎసి సమావేశంలో అధికారులపై మండిపడ్డ నాగం

హైదరాబాద్‌: ప్రజాపద్దుల సంఘం (పిఎసి) సమావేశం మళ్ళీ రాజకీయ రంగుపులుముకుంది. వాణిజ్య పన్నుల శాఖపై ఈరోజుప్రారంభమైన ప్రజా పద్దుల సంఘం సమీక్ష సమావేశం వాయిదాపడింది. ఛైర్మన్‌, తెలుగుదేశం నాయకుడు నాగం జనార్థనరెడ్డి ఆధ్వర్యంలో ఈ సమావేశం ఈరోజు అసెంబ్లీ కమిటీ హాలులో ప్రారంభమైంది.

ఈ సందర్భంగా వాణిజ్యపన్నుల వసూళ్లు, చెల్లని చెక్కుల విషయంలో అధికారులు సభ్యులకు సరైన సమాచారం ఇవ్వలేకపోయారు. దీంతో పీఏసీ ఛైర్మన్‌నాగం జనార్థనరెడ్డి వారిపై ఆగ్రహం వ్యక్తం చేశారు. సమాచారం లేకుండా సమావేశం ఎందుకంటూ అర్థంతరంగా సమావేశాన్ని ముగించారు. ఈనెల 25వ తేదీన మరోసారి వాణిస్య పన్నుల శాఖపై సమీక్ష నిర్వహిస్తామన్నారు.