• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జగన్ యాత్రను ఎలా అనుమతిస్తారు: కె చంద్రశేఖర రావు

By Pratap
|

K Chandrasekhar Rao
హైదరాబాద్: కాంగ్రెసు కడప పార్లమెంటు సభ్యుడు వైయస్ జగన్ ఓదార్పు యాత్రకు అనుమతి ఇవ్వడాన్ని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు తప్పు పట్టారు. ఓదార్పు యాత్రకు అనుమతి ఇవ్వడంపై ఆయన తీవ్రంగా మండిపడ్డారు. సమైక్యవాదులు ఢీ అంటే తామూ ఢీ అనేందుకు రెడీగా ఉన్నామని ఆయన అన్నారు విద్యార్థులు చనిపోతున్నందునే ఉద్యమంలో కొంత వెనక్కి తగ్గామని, వ్యూహాత్మక మౌనం పాటిస్తున్నామని తెలిపారు. ఆయన మంగళవారం సాయంత్రం తొలుత హైదరాబాదులో, ఆ తర్వాత ఢిల్లీలో మీడియా ప్రతినిధులతో మాట్లాడారు. పెట్టుకుందామని మీరంటే పెట్టుకుందామని, అందుకు తాము సిద్ధమని, అంతే తప్ప పిచ్చి చర్యల ద్వారా తెలంగాణను అడ్డుకుంటామంటే కుదరదని, మంచి మాటతో వింటే సరి, లేకపోతే జరగాల్సిన దానికి బాధ్యత వహించాల్సి ఉంటుందని సమైక్యవాదులను హెచ్చరించారు. కోటి మంది జగన్‌లు, శతకోటి మంది చిరంజీవులు వచ్చినా తెలంగాణలో సమైక్యాంధ్ర బీజాలు కాదు కదా వాసన కూడా తీసుకురాలేరన్నారు.

సమైక్యవాదం అంటేనే ప్రజలు భగ్గుమనే పరిస్థితి పల్లెల్లో ఉందని చెప్పారు. డీజీపీ తమాషా చేస్తున్నారా? అంటూ మండిపడ్డారు. లోక్‌సభలో ప్రతిపక్ష నేత సుష్మా స్వరాజ్ హైదరాబాద్‌లో సభ పెడతామంటే అనుమతివ్వరని, తాను ఓయూ క్యాంపస్‌కు వెళ్తానంటే వద్దంటారని, తెలంగాణ గడ్డపై తెలంగాణ వాళ్లను తిరగనివ్వరని, అదే చంద్రబాబు, జగన్‌లను మాత్రం తిరగనిస్తారని, పైగా వాళ్లు పర్యటిస్తుంటే జేఏసీ నేతలను, తెలంగాణవాదులను ముందస్తుగా అరెస్టు చేస్తున్నారని ఆయన అన్నారు. తాను కూడా వంద కార్లతో, గూండాలతో వెళ్తానని, సీఎం ఎలా ఆపుతారో చూస్తానని అంటూ ఢిల్లీలో సవాల్ విసిరారు. ఆంధ్రా ప్రాంతం వారిని తెలంగాణలో పర్యటించవద్దని తాము అనడంలేదని, అయితే, లోక్‌సభలో తెలంగాణకు వ్యతిరేకంగా నినాదాలిచ్చిన జగన్ ఈ ప్రాంతంలో పర్యటిస్తే ఉద్రిక్తత పెరుగుతుందని కేసీఆర్ తెలిపారు. మూడో కూటమి కార్యకలాపాల్లో టీఆర్ఎస్ భాగస్వామిగా ఉంటుందా? అని ప్రశ్నించగా తమకు రాజకీయ ఫ్రంట్ కంటే తెలంగాణ ఫ్రంటే ముఖ్యమని, రాజకీయంగా ఏమై పోతుందో మాకు అవసరం లేదని, తమది ఫక్తు రాజకీయ పార్టీ కాదని, తెలంగాణపై అసెంబ్లీలో, లోక్‌సభలో వాణి వినిపించడం కోసమే మేం రాజకీయ ప్రక్రియను ఒక సాధనంగా వాడుకుంటున్నామని, చౌకబారు రాజకీయాల పట్ల మాకు ఆసక్తి తక్కువ అని బదులిచ్చారు. తమకు అందిన సమాచారం మేరకు శ్రీకృష్ణ కమిటీకి వచ్చిన నివేదికల్లో 96 శాతం తెలంగాణ ఏర్పాటును కోరుతూ వచ్చినవేనన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X