గుంటూరులో హైకోర్టు బెంచిపై నోటీసులు

హైదరాబాద్: గుంటూరులో హైకోర్టు బెంచ్ ఏర్పాటుకు సంబంధించి కేంద్ర, రాష్ట్ర ప్రభుత్వాలకు హైకోర్టు నోటీసులు జారీ చేసింది. న్యాయవాది ఎం.పిచ్చయ్య దాఖలు చేసిన పిటిషన్‌ పై ప్రధాన న్యాయమూర్తి జస్టిస్‌ నిసార్‌ అహ్మద్‌ కక్రూ, జస్టిస్‌ పి.వి.సంజయ్‌ కుమార్‌ లతో కూడిన ధర్మాసనం విచారణ చేపట్టింది.

హైదరాబాద్‌లో హైకోర్టు ఉండటంతో శ్రీకాకుళం, విజయనగరం తదితర జిల్లాల ప్రజలకు ఇబ్బందిగా ఉందని పిటిషనర్‌ చెప్పారు. ప్రతి ఏటా 30 వేలకు పైగా రిట్‌ పిటిషన్లు దాఖలవుతున్నాయని, ఇవిగాక వేల సంఖ్యలో సివిల్‌, క్రిమినల్‌ అప్పీలు, రివిజన్‌ పిటిషన్‌లు, భూవివాద కేసులు కోర్టుకు వస్తున్నాయన్నారు.