సిఎం విశాఖ పర్యటనపై అనేక ఆశలు

విశాఖపట్నం: ముఖ్యమంత్రి రోశయ్య విశాఖ జిల్లా పర్యటనపై అనేక ఆశలు వ్యక్తమవుతున్నాయి. రోశయ్య మే నెల మూడు, నాలుగు తేదీల్లో జిల్లాలో పర్యటించనున్నారని కలెక్టర్‌ జె.శ్యామలరావు తెలిపారు. కలెక్టరేట్‌లో బుధవారం ఆయన విలేకరులతో మాట్లాడారు. 3వ తేదీ ఉదయం 11.50 గంటలకు సీఎం విశాఖ చేరుకుంటారని తెలిపారు. అచ్యుతాపురంలోని ఎస్‌ఈజెడ్‌లో నిర్మించిన బ్రాండిక్స్‌ అప్పెరల్‌ సిటీని, ఐటీ సెజ్‌లోని సాఫ్ట్‌వేర్‌ కంపెనీని ప్రారంభిస్తారని చెప్పారు.

మారికవలసలో గిరిజన సంక్షేమ శాఖ నిర్మించిన కాలేజ్‌ ఆఫ్‌ ఎక్స్‌లెన్స్‌ను ప్రారంభిస్తారని తెలిపారు. 4వ తేదీన జిల్లాలో నిర్వహించే ప్రజాపథం కార్యక్రమంలో పాల్గొంటారన్నారు. భీమిలి నియోజకవర్గం పరిధి పద్మనాభం మండలంలో నిర్వహించే గ్రామసభలో సీఎం పాల్గొనే అవకాశముంది