పొన్నాలపై రెచ్చిపోయిన చిరంజీవి

కాకినాడ: ప్రజారాజ్యం పార్టీ అధ్యక్షుడు చిరంజీవి గురువారం మంత్రి పొన్నాల లక్ష్మయ్య, కెసిఆర్ లపై తీవ్రస్థాయిలో ధ్వజమెత్తారు. ఈ రోజు ఉదయం ఆయన కాకినాడలో మీడియా సమావేశంలో మాట్లాడుతూ పొన్నాల తెలంగాణకు మంత్రా, లేక రాష్ట్రానికి మంత్రా అనే విషయాన్ని తేల్చుకోవాలన్నారు.

పోలవరం ప్రాజెక్టుకు జాతీయ హోదా వస్తుందని పొన్నాల ఇప్పుడు చెప్పటం వెనక ఉన్న మర్మమోమిటో చెప్పాలని చిరంజీవి డిమాండ్‌ చేశారు. జలయజ్ఞానికి ఖర్చు చేసే నిధులు అవినీతి బాట పట్టాయన్నారు. కెసిఆర్ రెచ్చగొట్టే ధోరణి మానుకోవాలని ఆయన హితవు పలికారు. కొబ్బరి ధర పడిపోవటం ప్రభుత్వం చేతగాని తనానికి నిదర్శనమని చిరంజీవి అన్నారు. కేజీ బేసిన్‌ ఉద్యమాన్ని కొనసాగిస్తామని ఆయన స్పష్టం చేశారు.