రాజ్యసభ సీటు కోరుతున్నా: విహెచ్

హైదరాబాద్: తాను మళ్లీ రాజ్యసభ సీటు కోరుకుంటున్నట్లు కాంగ్రెసు సీనియర్ నాయకుడు వి హనుమంతరావు చెప్పారు. తనకు తిరిగి పార్టీ అధిష్టానం రాజ్యసభ సీటు ఇస్తుందని నమ్ముతున్నట్లు ఆయన శుక్రవారం మీడియా ప్రతినిధులతో చెప్పారు. అయితే అధిష్టానం ఏ బాధ్యతలు అప్పగించినా నిర్వహిస్తానని ఆయన చెప్పారు. ముఖ్యమంత్రి కె. రోశయ్యకు, మంత్రి వర్గ సభ్యులకు మధ్య ఎలాంటి విభేదాలు లేవని ఆయన స్పష్టం చేశారు.

రాష్ట్రం నుంచి కాంగ్రెసు తరఫున రాజ్యసభకు ఎన్నికైన వారిలో జైరాం రమేష్, నేదురుమల్లి జనార్దన్ రెడ్డి, వి. హనుమంతరావు, జెడి శీలం, గిరీష్ సంఘీల పదవీ కాలం జూన్ 21వ తేదీతో ముగుస్తోంది. మళ్లీ రాజ్యసభకు వెళ్లేందుకు ఈ ఐదుగురు కూడా తీవ్రంగా ప్రయత్నాలు చేస్తున్నారు.