ఓబుళాపురం: గాలికి బ్రదర్స్ కు కొంత ఊరట

న్యూఢిల్లీ‌: ఓబుళాపురం గనుల తవ్వకాల విషయంలో సుప్రీంకోర్టు నుంచి గాలి సోదరులకు కొంత ఊరట లభించింది. తవ్వకాలకు సుప్రీంకోర్టు షరతులతో కూడిన అనుమతి ఇచ్చింది. వివాదరహిత స్థలంలో తవ్వకాలు చేసుకోవచ్చునని ప్రధాన న్యాయమూర్తితో కూడిన సుప్రీంకోర్టు త్రిసభ్య బెంచ్ అనుమతి ఇచ్చింది. కర్నాటక సరిహద్దుకు 150 కిలోమీటర్ల దూరంలో తవ్వకాలు జరపకూడదని, కంచె ఏర్పాటు చేయాలని సుప్రీంకోర్టు ఆదేశించింది.

గాలి జనార్దన్ రెడ్డి సోదరుల గనుల విస్తృత మ్యాపింగ్ కు సుప్రీంకోర్టు ప్రత్యేక ప్యానెల్ ను ఏర్పాటు చేసింది. గనులకు సంబంధించి రీసర్వే చేసి రెండు నెలల లోగా నివేదిక సమర్పించాలని సర్వే ఆఫ్ ఇండియాకు సుప్రీంకోర్టు సూచించింది. కర్నాటక, ఆంధ్రప్రదేశ్ సరిహద్దులు ఖరారయ్యే వరకు తవ్వకాలకు అనుమతించవద్దని ప్యానెల్ సూచించింది. అయితే తాజా సుప్రీంకోర్టు ఆదేశాలతో కర్నాటక మంత్రి గాలి జనార్దన్ రెడ్డి సోదరులకు కొంత ఊరట లభించింది.