రోశయ్యతో శ్రీనివాస్ బేటీ

హైదరాబాద్: ముఖ్యమంత్రి కె. రోశయ్యతో మంగళవారంనాడు ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ సమావేశమయ్యారు. ఢిల్లీ నుంచి తిరిగి వచ్చిన తర్వాత డి. శ్రీనివాస్ రోశయ్యను కలవడం ఇదే తొలిసారి. తన ఢిల్లీ పర్యటన వివరాలను శ్రీనివాస్ రోశయ్యకు వివరించినట్లు తెలిసింది.

ఎమ్మెల్సీ ఎన్నికల ఫలితాలపై వారిరువురి మధ్య చర్చ జరిగినట్లు తెలుస్తోంది. తెలంగాణలో జరగబోయే శాసనసభ స్థానాల ఉప ఎన్నికలపై కూడా వారు చర్చించినట్లు సమాచారం. ప్రభుత్వ, పార్టీ వ్యవహారాలపై వారిద్దరి మధ్య మాటామంతీ సాగినట్లు చెబుతున్నారు. ఈ సమావేశంలో రాజ్యసభ సభ్యుడు, రాష్ట్ర ప్రభుత్వ సలహాదారు కెవిపి రామచందర్ రావు కూడా పాల్గొన్నారు.