బహిరంగ విమర్శలు చేయవద్దు: డిఎస్

హైదరాబాద్: ఉప ఎన్నికలు, మంత్రుల అవినీతి అంశాలపై బహిరంగ వ్యాఖ్యలు చేయకూడదని ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ పార్టీ నాయకులకు సూచించారు. ఈ అంశాలపై పార్టీ నాయకులు బహిరంగ ప్రకటనలు చేయడం మంచి పద్ధతి కాదని ఆయన మంగళవారం మీడియా ప్రతినిధుల సమావేశంలో అన్నారు. సీనియర్ నేతలు విమర్శలు చేయడం తగదని ఆయన అన్నారు.

సీనియర్ నేతలు ఎవరైనా సరే తమ అభిప్రాయాలను పార్టీ అధిష్టానానికి మాత్రమే చెప్పాలని ఆయన సూచించారు. పార్టీ వైఖరికి విరుద్ధంగా ఎవరు మాట్లాడినా అది క్రమశిక్షణారాహిత్యమే అవుతుందని ఆయన అన్నారు. రంగారెడ్డి ఎమ్మెల్సీ ఎన్నిక ఊహించిందేనని ఆయన అన్నారు. ఈ నెల 20వ తేదీన హైదరాబాదులోని ఎల్బీ స్టేడియంలో పునరంకిత సభ జరుగుతుందని ఆయన చెప్పారు.