చత్తిస్ గఢ్ లో మళ్ళీ రెచ్చిపోయిన మావోలు

ఛత్తీస్‌ గఢ్‌: ఛత్తీస్‌ గఢ్‌లో మావోయిస్టులు మరోసారి రెచ్చిపోయారు. ఈ రోజు తెల్లవారుజామున మావోయిస్టులు చింతల్‌నార్‌ పోలీస్‌ స్టేషన్‌ పై దాడికి విఫలయత్నం చేశారు. అయితే మావోల దాడిని పోలీసులు ధీటుగా తిప్పికొట్టారు. పోలీసుల ప్రతిఘటనతో మావోయిస్టులు వెనుదిరిగారు.

గత నెలలో చత్తిస్ ఆరు చోట్ల నక్సలైట్లు మెరుపు దాడులకు దిగారు. ఓ సిఆర్పీఎఫ్ వాహనాన్ని మందుపాతరతో మావోయిస్టులు పేల్చేశారు. ఈ ఘటనలో 73 మంది సిఆర్పీఎఫ్ జవాన్లు మరణించారు. ఓ ఆపరేషన్ ముగించుకుని వస్తున్న వాహనాన్ని మావోయిస్టులు మందుపాతరతో పేల్చేశారు. దంతెవాడ జిల్లా తాడిమెట్ల అటవీ ప్రాంతంలో ఈ ఘటన చోటు చేసుకుంది. మంగళవారం ఉదయం ఆరు గంటల సమయంలో ఈ సంఘటన జరిగింది. యాంటీ మైన్ వెహికిల్ ను నక్సలైట్లు పేల్చేశారు. దాదాపు 500 మంది జవాన్లు వెనక్కి వస్తుండగా పథకం ప్రకారం మావోయిస్టులు దాడులు చేశారు. సంఘటనా స్థలం నుంచి 73 మృతదేహాలను తరలించారు.