మధ్య మార్గంగా శ్రీకృష్ణ కమిటీ నిర్ణయం!

హైదరాబాద్‌: రాజకీయ పార్టీలను చైతన్యపరచటం తమ పని కాదని జస్టిస్‌ శ్రీకృష్ణ కమిటీ వ్యాఖ్యానించింది. ప్రజల అభిప్రాయాలే తమకు ముఖ్యమని కమిటీ సభ్యులు పేర్కొన్నారు. ఈ నెల 17, 18, 19 తేదీల్లో కాంగ్రెసుతో పాటు ఎన్జీవోలు, విద్యార్థి సంఘాల జేఏసీలతో అయిదో దఫా సంప్రదింపులు జరుపుతామని కమిటీ సభ్యులు తెలిపారు.

అందరి వాదనలు వింటున్నామని, రాజకీయ పార్టీలు. ప్రజా సంఘాలు తమ వాదనలు బలంగా వినిపించాయని కమిటీ పేర్కొంది. అయితే రెండు వాదనలు కాకుండా మధ్య మార్గంగా నిర్ణయం ఉండవచ్చని, డిసెంబర్‌ 31 లేదా జనవరి 1 వతేదీన తమ నివేదిక సమర్పిస్తామని కమిటీ తెలిపింది.