రాజీవ్ కిల్లర్ నళిని ప్రాణాలకు ముప్పు

చెన్నై: మాజీ ప్రధాని రాజీవ్ గాంధీ కిల్లర్ నళినికి జైల్లో ముప్పు ఉందనే ఆరోపణలు వస్తున్నాయి. ఈ ఆరోపణలను పరిశీలించడానికి తమిళనాడు ప్రభుత్వం జైళ్ల శాఖ ఉన్నతాధికారితో ఓ కమిటీని వేసింది. కోయంబత్తూరు జైళ్ల శాఖ డిఐజి గోవిందరాజన్ నేతృత్వంలోని ఈ కమిటీ ఆ ఆరోపణతో పాటు ఇతర ఆరోపణలపై కూడా విచారణ జరుపుతుంది. వెల్లూరు జైలులో మహిళా ఖైదీలపై వేధింపులు జరుగుతున్నాయనే ఆరోపణపై కూడా ఆ కమిటీ విచారణ జరుపుతుంది.

తాము వేస్తున్న కమిటీలో మహిళా అధికారి కూడా ఉంటారని, ఆ కమిటీ త్వరలోనే నివేదిక అందిస్తుందని న్యాయశాఖ మంత్రి దురై మురుగన్ గురువారం శాసనసభలో ప్రకటించారు. నళిని కొన్ని సమస్యలను విన్నవించిందని, కొన్ని ఆరోపణలు కూడా చేసిందని, వాటిపై కమిటీని వేస్తున్నామని ఆయన చె్పపారు.