వైయస్ ఉంటే రాష్ట్రం బంగారం: ఉండవల్లి

పోలవరం: వైయస్ రాజశేఖర రెడ్డి మరో రెండు సంవత్సరాలు బతికి ఉండుంటే రాష్ట్రం కేరళలా అందంగా మారేదని కాంగ్రెస్‌ ఎంపీ ఉండవల్లి అరుణ్‌ కుమార్‌ అన్నారు. ఆదివారం ఆయన పోలవరంలో నిర్వాసితుల బహిరంగ సభలో మాట్లాడుతూ వైయస్ఆర్‌ పాదయాత్ర సమయంలోనే పోలవరం ఆవశ్యకతను గుర్తించారన్నారు.

తెలంగాణ బంగారు సీమగా ఉండాలని అనుకుంటున్నామని, పోలవరం ప్రాజెక్టు నిర్మాణం పూర్తి అయితే అది నెరవేరుతుందన్నారు. రాముడు లాంటి వైయస్ఆర్‌ మనతో లేకున్నా ఆయన సోదరుడు లాంటి లక్ష్మణుడు ప్రాజెక్టును పూర్తి చేయిస్తారనే నమ్మకం ఉందన్నారు.