ఆయన అక్రమాస్తులు కోటిపైనే

విశాఖపట్నం: విశాఖపట్నం ట్రాఫిక్ సర్కిల్ ఇన్ స్పెక్టర్ (సిఐ) రాజశేఖర్ కోటి రూపాయలకు పైగానే అక్రమాస్తులు కలిగి ఉన్నట్లు అవినీతి నిరోధక శాఖ (ఎసిబి) అధికారులు గుర్తించారు. ఎసిబి అధికారులు సోమవారం ఉదయం విశాఖపట్నంలోని రాజశేఖర్ నివాసంలోనూ విశాఖ, రాజమండ్రి, అమలాపురంల్లోని ఆయన బంధువుల ఇళ్లలోనూ సోదాలు నిర్వహించారు. ఈ సోదాల్లో రాజశేఖర్ కోటి రూపాయలకు పైగానే కలిగి ఉన్నట్లు గుర్తించారు. రాజశేఖర్ అత్తగారి ఇంటిలో కూడా సోదాలు నిర్వహించారు.

రాజశేఖర్ దంపతులకు చెందిన 40 లక్షల రూపాయలు, అత్తగారికి చెందిన 40 లక్షల రూపాయలను ఎసిబి అధికారులు గుర్తించారు. రాజశేఖర్ నివాసంలో 20 తులాల బంగారం, రెండు కిలోల వెండిని ఎసిబి అధికారులు గుర్తించారు. లారీ యజమానుల సంఘం ఫిర్యాదు చేయడంతో రాజశేఖర్ ఇళ్లపై ఎసిబి అధికారులు సోదాలు నిర్వహించినట్లు తెలుస్తోంది. అంతేకాకుండా రాజశేఖర్ తన ఇంటి వెనక గల 150 గజాల్లో అక్రమంగా ఇల్లు నిర్మిస్తున్నాడని పొరుగువారు ఫిర్యాదు చేసినట్లు తెలుస్తోంది.