రాజకీయ ప్రవేశంపై లోకేష్ దే నిర్ణయం: చంద్రబాబు నాయుడు

హైదరాబాద్: రాజకీయాల్లో రావాలా, వద్దా అనే విషయంపై తన కుమారుడు లోకేష్ నిర్ణయం తీసుకుంటారని, అది తన నిర్ణయం మీద ఆధారపడి ఉండదని తెలుగుదేశం పార్టీ అధ్యక్షుడు నారా చంద్రబాబు నాయుడు అన్నారు. తన బలవంతం ఏమీ ఉండదని ఆయన అన్నారు. పార్టీ మహానాడు ఏర్పాట్లపై వివరించేందుకు బుధవారం నిర్వహించిన మీడియా ప్రతినిధుల సమావేశంలో అడిగిన ప్రశ్నకు సమాధానంగా ఆయన ఆ వివరణ ఇచ్చారు.

తమ పార్టీ రాజకీయ వారసుడిని ప్రజలే నిర్ణయిస్తారని ఆయన అన్నారు. రాష్ట్రంలో మధ్యంతర ఎన్నికలు వస్తాయా, రావా అనే విషయంపై తాను దృష్టి కేంద్రీకరించడం లేదని, ప్రజా సమస్యల పరిష్కారం మీదనే తన దృష్టి ఉందని ఆయన చెప్పారు. కాగా, తెలుగుదేశం మహానాడు రేపు హైదరాబాదులో ప్రారంభమవుతాయి.