అన్యాయం జరిగింది శ్రీకృష్ణ కమిటీకి తెలంగాణ ఇంజినీర్ల మొర

హైదరాబాద్: స్థానిక కోటా కింద ఉద్యోగాల్లో తమకు అన్యాయం జరిగిందని తెలంగాణ ఇంజినీర్లు, ఎగ్జిక్యూటివ్ ఇంజినీర్ల సంఘం ప్రతినిధులు శ్రీకృష్ణ కమిటీకి విన్నవించారు. ఉద్యోగాల్లో తమకు జరిగిన అన్యాయాన్ని కమిటీకి వినిపించినట్లు వారు బుధవారం మీడియాతో చెప్పారు. ముల్కీ నిబంధనల రద్దుతో తమకు అన్యాయం జరిగిందని వారు చెప్పారు.

నియామకాలు, పదోన్నతుల విషయంలో తమకు రక్షణ కల్పిస్తే సరిపోతుందని వారు శ్రీకృష్ణ కమిటీకి చెప్పారు. రెండు రోజులుగా శ్రీకృష్ణ కమిటీ హైదరాబాదులో వివిధ సంఘాల వాదనలు వింటోంది. ఇందులో భాగంగా తెలంగాణ ఇంజనీర్లు, ఎగ్జిక్యూటివ్ ఇంజినీర్లు బుధవారం శ్రీకృష్ణ కమిటీకి తమ వాదనలు వినిపించారు.