స్థానిక సంస్థల ఎన్నికల్లో కాంగ్రెసుతో పొత్తు: చిరంజీవి

కాకినాడ: స్థానిక సంస్థల ఎన్నికల్లో కాంగ్రెసుతో తమ పార్టీ పొత్తు పెట్టుకునే అవకాశం ఉందని ప్రజారాజ్యం పార్టీ అధ్యక్షుడు చిరంజీవి చెప్పారు. పోలవరం ప్రాజెక్టు నిర్వాసితుల సమస్యలను తెలుసుకోవడానికి వచ్చిన ఆయన సోమవారం మీడియా ప్రతినిధులతో మాట్లాడారు. కాంగ్రెసుతో దశలవారీగా పొత్తు ఉంటుందని ఆయన చెప్పారు. కాంగ్రెసుతో పొత్తు పెట్టుకున్నా ప్రజా సమస్యలపై పోరాటం చేస్తామని ఆయన అన్నారు. రైతు సమస్యలే ప్రధాన ఎజెండాగా తమ పార్టీ ఆందోళనా కార్యక్రమాలు చేపట్టనున్నట్లు ఆయన తెలిపారు.

పెట్రో ధరల పెంపుపై పునరాలోచన చేయాలని ఆయన కేంద్ర ప్రభుత్వాన్ని కోరారు. పెట్రో ధరలు పెంచితే ఆందోళన చేస్తామని ఆయన చెప్పారు. ఉభయ గోదావరి జిల్లాలోని పోలవరం నిర్వాసితుల సమస్యలను తెలుసుకుని వారి సమస్యలను ఈ నెల 9వ తేదీన ప్రధాని డాక్టర్ మన్మోహన్ సింగ్ కు విన్నవిస్తానని ఆయన చెప్పారు. పోలవరం నిర్వాసితులకు ప్రత్యేక ప్యాకేజీ ప్రకటించాల్సిన అవసరం ఉందని ఆయన చెప్పారు.