భార్యను సజీవ దహనం చేసిన సిఆర్పిఎఫ్ జవాను

ఒంగోలు: అనుమానం పెనుభూతమై ఓ మహిళను కాటేసింది. ప్రకాశం జిల్లా రాచవరం మండలం కౌతవరం గ్రామంలో చిన రాముడు అనే సిఆర్పిఎఫ్ జవాను తన భార్య శ్రీదేవిని సజీవదహనం చేశాడు. భార్యకు అక్రమ సంబంధం ఉందనే అనుమానంతో అతను ఈ దారుణానికి ఒడిగట్టినట్లు భావిస్తున్నారు. ఒంటిపై కిరోసిన్ పోసి నిప్పంటించి చిన రాముడు భార్యను హత్య చేశాడు.

చినరాముడు 20 రోజుల క్రితం గ్రామానికి వచ్చాడు. అతనికి గ్రామంలో ఓ అమ్మాయితో అక్రమ సంబంధం ఉంది. దాన్ని అతను కొనసాగిస్తూ వస్తున్నాడు. భార్యకు కూడా అటువంటి వైవాహికేతర సంబంధం ఉందనే అనుమానం అతన్ని వేధించడం మొదలు పెట్టింది. దీనిపై భార్యాభర్తలకు గొడవ జరిగింది. అంతే, అతను భార్యను సజీవంగా దహనం చేశాడు.