బిజెపి అధ్యక్షుడు కిషన్ రెడ్డికి బెదిరింపు లేఖ

హైదరాబాద్: భారతీయ జనతా పార్టీ (బిజెపి) రాష్ట్రాధ్యక్షుడు జి. కిషన్ రెడ్డికి గురువారం బెదిరింపు లేఖ వచ్చింది. ఇస్లామిక్ రిపబ్లిక్ ఆఫ్ హైదరాబాద్ లష్కరే తోయిబా పేరుతో ఈ లేఖ కిషన్ రెడ్డికి అందింది. దీనిపై కిషన్ రెడ్డి ఆబిడ్స్ పోలీసు స్టేషనులో ఫిర్యాదు చేశారు. దుండగులు రాసిన లేఖ ఉర్దూ భాషలో ఉంది.

కిషన్ రెడ్డి భారత్ విడిచి వెళ్లాలని, హిందువులు హైదరాబాదు వదలి వెళ్లాలని ఆ లేఖలో బెదిరించారు. భారత్ వదిలి వెళ్లకపోతే చంపేస్తామని దుండగులు హెచ్చరించారు. హైదరాబాదులోని బేగంపేటలో గల ఆర్ ఎస్ ఎస్ కార్యాలయాన్ని పేల్చేస్తామని కూడా వారు హెచ్చరించారు. గోశాలను తాము చెప్పిన వ్యక్తికి విక్రయించాలని కూడా వారు హెచ్చరించారు.