• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

శరద్ పవార్ తో చేతులు కలపనున్న వైయస్ జగన్

By Pratap
|

YS Jagan
హైదరాబాద్: ఎన్సీపి నేత, కేంద్ర మంత్రి శరద్ పవార్ తో కాంగ్రెసు పార్లమెంటు సభ్యుడు వైయస్ జగన్ చేతులు కలుపుతున్నట్లు వార్తలు వస్తున్నాయి. దీనికి సంబంధించిన వార్తాకథనం ప్రముఖ తెలుగు దినపత్రిక ఆంధ్రజ్యోతిలో గురువారం అచ్చయింది. ఐపియల్ వివాదంలో చిక్కుకుని తీవ్ర ఇబ్బందుల పాలవుతున్న శరద్ పవార్ జగన్ ను చేరదీసి రాష్ట్రంలో ఎన్సీపి శాఖను ఏర్పాటు చేస్తారని ఆ వార్తాకథనం సారాంశం. వార్తాకథనాన్ని బట్టి - మహారాష్ట్రలో తమ ఎన్సీపిని పూర్తిగా నాశనం చేయడానికి ప్రయత్నిస్తోందని, అలాగే ఐపియల్ వివాదంలో ఇరికించి కావాలనే తనను ఇబ్బంది పెడుతోందని శరద్ పవార్ కాంగ్రెసుపై అక్కసుతో ఉన్నట్లు తెలుస్తోంది.

తనను కాంగ్రెసు నాయకత్వం ఇరకాటంలో పెడుతున్న స్థితిలో ఆంధ్రప్రదేశ్ లో అధిష్టానంపై తీవ్ర ఆగ్రహంతో ఉన్న జగన్ ను చేరదీసి, కాంగ్రెసును నష్టపరచాలనేది శరద్ పవార్ ఎత్తుగడగా కనిపిస్తోంది. జగన్ కు, శరద్ పవార్ కు మధ్య ఇప్పటికే చర్చలు జరిగినట్లు తెలుస్తోంది. ప్రస్తుతం పవార్ నోటి క్యాన్సర్ కు చికిత్స పొందుతున్నారు. ఆ తర్వాత కొంత కాలం అమెరికాకు వెళ్లి వస్తారు. ఆయన తిరిగి రాగానే ఆంధ్రప్రదేశ్ లో ఎన్సిపీ శాఖ జగన్ నాయకత్వంలో ఏర్పడుతుంది.

అధిష్టానాన్ని ధిక్కరించి ఈ నెల 8వ తేదీన ఓదార్పు యాత్రను చేపట్టాలని జగన్ అనుకున్నప్పటికీ పవార్ సూచన మేరకే దాన్ని వాయిదా వేసుకున్నారని సమాచారం. వచ్చే నెల 8వ తేదీన వైయస్ రాజశేఖర రెడ్డి జన్మదినం సందర్భంగా రాష్ట్రంలో జగన్ నాయకత్వంలో ఎన్సీపి శాఖ ఆవిర్భవించే అవకాశాలున్నాయి.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more