• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జలయజ్ఞంలో అవినీతిలో కెవిపి తొలి ముద్దాయి: టిడిపి

By Pratap
|

Telugudesam
హైదరాబాద్: జలయజ్ఞం అవినీతి అక్రమాల్లో ప్రభుత్వ సలహాదారు కెవిపి రామచందర రావు తొలి ముద్దాయి కాగా, భారీ నీటి పారుదల శాఖ మంత్రి పొన్నాల లక్ష్మయ్య రెండో ముద్దాయి అని తెలుగుదేశం పార్టీ నాయకులు ఆరోపించారు. జలయజ్ఞంలో అవినీతిని ప్రశ్నిస్తామన్న కాంగ్రెస్‌ సీనియర్లంతా అధిష్ఠానం అర్థరాత్రి చేసిన ఫోన్‌కాల్‌తో ఒక్కసారిగా తోక ముడిచారని వారు వ్యాఖ్యానించారు. కాంగ్రెసు పార్టీ అధిష్టానమే అవినీతిని ప్రోత్సహిస్తోందని వారు ఆరోపించారు. తెలుగుదేశం సీనియర్‌ నేతలు నాగం జనార్థన్‌ రెడ్డి, తుమ్మల నాగేశ్వరరావు, సోమిరెడ్డి చంద్రమోహన్‌రెడ్డి బుధవారం మీడియా సమావేశంలో మాట్లాడారు.

పొన్నాల అవినీతి చిట్టాను గవర్నర్‌ ముందు ఉంచుతానన్న పాల్వాయి అధిష్ఠానం ఫోన్‌కాల్‌తో అవన్నీ ఇంట్లో పెట్టి గవర్నర్‌ వద్దకు వెళ్లారా అని ఎద్దేవా చేశారు. పొన్నాల రాజీనామా చేయాలని డిమాండ్‌ చేసిన సీనియర్లంతా ఇప్పుడు గవర్నర్‌ను కలసి కేవలం పోలవరం డిజైన్‌ గురించి మాత్రమే మాట్లాడామని అనడం విడ్డూరంగా ఉందన్నారు. ప్రజలు తిరగబడే లోపల ముఖ్యమంత్రి రోశయ్య కెవిపి, పొన్నాలలపై చర్యలు తీసుకోవాలని హెచ్చరించారు. అవినీతిని ముఖ్యమంత్రి ఎందుకు ప్రోత్సహిస్తున్నారని వారు ప్రశ్నించారు. పొన్నాల అవినీతిని ముఖ్యమంత్రి ఉంచడానికి తాము సిద్ధంగా ఉన్నామని, ముఖ్యమంత్రి పొన్నాల బర్తరఫ్ కు సిద్ధపడాలని వారన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X