సమస్యలు ఏవైనా ఉంటే హైకమాండ్ కు చెప్పుకోండి: విహెచ్

హైదరాబాద్‌: తమకు పార్టీపరంగా ఏవైనా సమస్యలు ఉంటే అధిష్ఠానం ఎదుట చెప్పుకోవాలని రాజ్యసభ సభ్యులు వి.హనుమంతరావు అన్నారు. భారీ నీటి పారుదలశాఖ మంత్రి పొన్నాల లక్ష్మయ్యపై కాంగ్రెస్‌ సీనియర్‌ నేతలు బహిరంగ ప్రకటనలు చేయడం సరికాదని ఆయన సూచించారు. పాల్వాయి గోవర్దన్ రెడ్డి ఇతర సీనియర్ నాయకులు భారీ నీటి పారుదల శాఖ మంత్రి పొన్నాల లక్ష్మయ్యపై విమర్శలు చేస్తున్న స్థితిలో ఆయన ఈ సూచన చేశారు.

కాగా, పోలవరం ప్రాజెక్టు విషయంలో తెలంగాణకు, సీమాంధ్రకు న్యాయం జరిగేలా చూడాలని గవర్నర్ ను కోరినట్లు పాల్పాయి గోవర్దన్ రెడ్డి మీడియా ప్రతినిధులతో చెప్పారు. పోలవరంపై ముఖ్యమంత్రి కె. రోశయ్యకు లేఖ రాస్తామని ఆయన మీడియా ప్రతినిధులతో చెప్పారు. ప్రభుత్వం ముంపు గ్రామాల ప్రజలతో సమావేశం ఏర్పాటు చేయలేదని ఆయన అన్నారు.