తమిళనాడులో పెళ్లి వ్యాన్ కు ప్రమాదం: 16 మంది మృతి

చెన్నై: తమిళనాడులోని పాలక్కాడ్‌ వద్ద ఓ పెళ్లి వాహనం గురువారం తెల్లవారుజామున ప్రమాదానికి గురైంది. ఈ ఘటనలో పెళ్లి బృందంలోని 16 మంది మృతి చెందారు. మృతుల్లో 13 మంది మహిళలు ఉన్నారు. పెళ్లి బృందంతో బెల్‌రాంపట్టి గ్రామం నుంచి బొమ్మిడి ప్రయాణిస్తున్న వ్యాన్‌ పాలక్కాడ్‌ వద్ద లారీని ఢీకొనడంతో ప్రమాదం సంభవించింది. క్షతగాత్రులను ధర్మపురి ప్రభుత్వ ఆసుపత్రికి తరలించారు.

వ్యాన్ లో పెళ్లి కుమారుడితో పాటు 27 మంది ప్రయాణిస్తున్నారు. పెళ్లి కుమారుడికి స్వల్పంగా గాయాలయ్యాయి. అతని తల్లిదండ్రులు సురక్షితంగా బయటపడ్డారు. హైవే గస్తీ పోలీసులు, సర్వీస్ అధికారులు సంఘటనా స్థలానికి చేరుకుని సహాయక చర్యలు చేపట్టారు. కలెక్టర్ పి. అముధ క్షతగాత్రులు చికిత్స పొందుతున్న ధర్మపురి వైద్య కశాశాల ఆసుపత్రికి చేరుకున్నారు.