• search
  • Live TV
ఆదిలాబాద్ వార్తల కోసం
నోటిఫికేషన్స్ పై క్లిక్ చేయండి  

ఆజాద్ ను నాగపూర్ లో పట్టుకున్నారు: మావోయిస్టు నేత ఉసెండి

By Pratap
|

Adilabad Dist
హైదరాబాద్: తమ పార్టీ నేత చెరుకూరి రాజ్ కుమార్ అలియాస్ ఆజాద్ ను మహారాష్ట్రలోని నాగపూర్ లో పోలీసులు పట్టుకున్నారని దండకారణ్య నేత ఉసెండి ఆరోపించారు. ఆంధ్రజ్యోతి - ఐబియన్ టీవీ చానెల్ ప్రతినిధితో అయన ఫోన్ లో మాట్లాడారు. తమను దండకారణ్యంలో ఆజాద్ గురువారం కలవాల్సి ఉందని ఆయన చెప్పారు. కొరియర్ సహదేవ్ గురువారం ఉదయం 11 గంటలకు ఆజాద్ కలిసి దండకారణ్య ప్రాంతానికి రావాల్సి ఉందని ఆయన చెప్పారు. ఆజాద్ తో పాటు మృతి చెందిన మావోయిస్టు సహదేవ్ అని ఆయన చెప్పారు. దండకారణ్యంలో తమకు క్లాస్ తీసుకోవడానికి వస్తుండగా పోలీసులు ఆజాద్ ను పట్టుకున్నట్లు ఆయన ఆరోపించారు.

ఆజాద్ తో ముఖాముఖి తలపడే చేవ ఎవరికీ లేదని, ఆజాద్ ను చాలా కాలంగా అనుసరిస్తూ పట్టుకుని కాల్చి చంపారని ఆయన అన్నారు. శాఖమూరి అప్పారావుతో పాటు ఆజాద్ మరణించి ఉంటాడని భావించామని, అయితే ఆ తర్వాత ఆజాద్ కాంటాక్టులోకి వచ్చాడని ఆయన చెప్పారు. శాఖమూరి అప్పారావుకు, ఆజాద్ కు సన్నిహిత సంబంధాలున్నాయని, తరుచూ వారిద్దరు మాట్లాడుకుంటూ ఉండేవారని ఆయన చెప్పారు. రాత్రంతా వారిద్దరి చిత్రహింసలు పెట్టి చంపేసి ఉంటారని ఆయన అన్నారు. ఇందులో ఆంధ్ర ఎస్బీఐది కీలక పాత్ర అని ఆయన ఆరోపించారు.

ఆజాద్ ఎన్ కౌంటర్ పై హైకోర్టులో పిటిషన్ వేయాలని విప్లవ రచయితల సంఘం (విరసం) నేత వరవర రావు నిర్ణయించుకున్నారు. ఆజాద్ సోదరులు హైదరాబాదులోని మూసారాంబాగ్ ప్రాంతంలో ఉంటారని తెలుస్తోంది. ఆజాద్ తల్లిదండ్రులిద్దరు ఉపాధ్యాయులే. ఆజాద్ కుటుంబ సభ్యులు నూజివీడు ప్రాంతంలో ఉండేవారు. ఆజాద్ వరంల్ ఆర్ఇసీలో బిటెక్, ఆంధ్ర యూనివర్శిటీలో ఎంటెక్ చేశాడు. 1970 నుంచి అతను ఉద్యమంలో ఉన్నాడు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X