• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్ ఓదార్పు యాత్రకు సీనియర్లంతా వ్యతిరేకమే

By Pratap
|

V Hanumantha Rao
హైదరాబాద్: కాంగ్రెసు కడప పార్లమెంటు సభ్యుడు వైయస్ జగన్ ఓదార్పు యాత్రపై కాస్తా హెచ్చుతగ్గుల్లో వ్యతిరేకతనే ప్రదర్శిస్తున్నారు. పార్టీ అధిష్టానం అనుమతి లేకుండా జగన్ యాత్ర చేపట్టకూడదనేది ఏకాభిప్రాయంగా వ్యక్తమవుతోంది. రాజ్యసభ సభ్యుడు వి హనుమంత రావు వంటివారు కాస్తా కరుగ్గా మాట్లాడుతుంటే మంత్రులు ఆర్ వెంకటరెడ్డి, శ్రీధర్ బాబు వంటి వారు కాస్తా మెతగ్గా మాట్లాడుతున్నారు. పార్టీ అధిష్టానం అనుమతి లేకుండా ఓదార్పుయాత్ర చేపట్టడం సరి కాదని హనుమంతరావు అన్నారు. అనుమతి లేకుండా జగన్ ముందుకు సాగితే నష్టపోతాడని ఆయన మంగళవారం మీడియా ప్రతినిధులతో అన్నారు. వైయస్ రాజశేఖర రెడ్డి కూడా తన ఆలోచనలను మార్చుకున్న సందర్భాలున్నాయని ఆయన చెప్పారు. ఓదార్పు అంటే హడావిడి చేయడం కాదని ఆయన చెప్పారు.

వచ్చే 24 గంటల్లో ఏమైనా జరగవచ్చునని మంత్రి శ్రీధర్ బాబు అన్నారు. జగన్ ఓదార్పు యాత్రకు అధిష్టానం అనుమతి వస్తుందని అనుకుంటున్నట్లు ఆయన మీడియా ప్రతినిధులతో అన్నారు. జగన్ ఓదార్పు యాత్ర మంచిదేనని, అయితే అధిష్టానం అనుమతితోనే జగన్ యాత్ర చేపట్టాలని ఆయన అన్నారు. జగన్ కు భవిష్యత్తు ఉందని, అధిష్టానాన్ని ధిక్కరించడం సరి కాదని ఆయన అన్నారు. అధిష్టానానికి మీ అభిప్రాయం చెప్తారా అని అడిగితే వాళ్లు అడిగితే చెప్తామని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X