గుంటూరు రాజకీయ వేడి: రాయపాటి వర్సెస్ కన్నా లక్ష్మినారాయణ

గుంటూరు: గుంటూరు కాంగ్రెసు రాజకీయాలు మరోసారి వేడెక్కాయి. కాంగ్రెసు పార్లమెంటు సభ్యుడు రాయపాటి సాంబశివ రావుకు, మంత్రి కన్నా లక్ష్మినారాయణ మధ్య విభేదాలు రచ్చకెక్కాయి. రాయపాటి సాంబశివరావుపై కన్నా లక్ష్మినారాయణ పరువు నష్టం దావా వేశారు. తాను 20 కోట్ల రూపాయలు సంపాదించినట్లు రాయపాటి చేసిన ఆరోపణలో నిజం లేదని ఆయన అన్నారు. తనకు జరిగిన పరువు నష్టానికి కోటి రూపాలు చెల్లించాలని ఆయన సాంబశివరావును నోటీసు ద్వారా కోరారు.

కన్నా లక్ష్మినారాయణ దావాపై రాయపాటి సాంబశివరావు తీవ్రంగా ప్రతిస్పందించారు. తనపై దావా వేస్తే అన్నీ విషయాలు బయటకువస్తాయన్నారు. తన వద్ద అన్నీ ఆధారాలున్నాయని సమయం వచ్చినప్పడు బయటపెడతనన్నారు. అవినీతి మంత్రులను రాష్ట్ర మంత్రివర్గంనుంచి తొలగించాలన్నదే తన డిమాండ్‌ అని రాయపాటి పేర్కొన్నారు. గుంటూరులో కన్నా వుంటున్న భవనం రూ.5 కోట్ల విలువ చేస్తుందని ఆయన ఆరోపించారు. బ్లాక్ మెయిల్ చేస్తున్నందు వల్లనే కన్నాను ముఖ్యమంత్రి మంత్రివర్గం నుంచి తొలగించడం లేదని ఆయన విమర్శించారు.